अखबार नेपाल ट्रेन्डिङ

काठमाडौं: काठमाडौंको रामकोटमा एकै परिवारका पाँच जनाले विष सेवन गरेका छन् ।

उनीहरुको आर्थिक अवस्था कमजोर भएका कारण विष सेवन गरेको प्रारम्भिक अनुसन्धानबाट खुलेको प्रहरीले जनाएको छ ।

एक हप्ताको दैनिकी लेखेर उनीहरुले आत्महत्याको प्रयास गरेको प्रहरीले जनाएको छ । तथापी सबै कुरा भने प्रहरीले खोलेको छैन ।

विष सेवन गरेकामध्ये २३ वर्षीय सुवर्णमान प्रधानको मृत्यु भएको छ । अन्य चार जनाको भने उपचार जारी छ ।

उनीहरु अचेत अवस्थामा छन् । प्रहरीका अनुसार वर्ष ६२ की इन्दिरामाया प्रधान, वर्ष ३८ का भीममान प्रधान, वर्ष ३५ की मन्दिरा प्रधान र वर्ष ११ की सुप्रिया प्रधानको उपचार भइरहेको हो ।

तर उनीहरू चारै जना अझै बोल्न सक्ने अवस्थामा नरहेको प्रहरीले बताएको छ ।

काठमाडौंको नागार्जुन नगरपालिका-६ डाँडापौवास्थित दुईतले पक्की घरको दोस्रो तलामा फ्ल्याट भाडामा लिई बसेको एकै परिवारका पाँच सदस्य विषादी खाएर बेहोस भएको अवस्थामा फेला परेको काठमाडौं प्रहरी परिसरका प्रवक्ता एसपी दिनेशराज मैनालीले जानकारी दिएका छन् ।