अखबार नेपाल ट्रेन्डिङ

काठमाडौं: नेकपा माओवादी केन्द्रका अध्यक्ष पुष्षकमल दाहाल प्रचण्डले एमसीसी पास भएपछि पहिलो पटक आफ्नै निवास खुमलटारमा पत्रकार सम्मेलन गर्ने भएका छन् ।

पछिल्लो पटक विकसित राजनीतिक घटनाक्रमबारे प्रचण्डले पत्रकार सम्मेलन गर्न लागेका हुन् । पत्रकार सम्मेलन दिउँसो ३ बजे हुँदैछ ।

एमसीसी पास गर्न प्रचण्डले देखाएको द्वैध चरित्रको आलोचना भएको थियो । माओवादी केन्द्रले एमसीसीको विरोधमा सडक आन्दोलन समेत गरेको थियो ।

नेपाली कांग्रेसले माओवादी एमसीसीको पक्षमा नउभिए नेकपा एमालेसँग गठबन्धन गर्ने बताएपछि प्रचण्ड देउवासँगै एमसीसी पास गर्ने पक्षमा उभिएका थिए ।

प्रतिनिधिसभाको बैठकले व्याख्यात्मक टिप्पणीसहित एमसीसी पारित गरेको थियो । तर एमसीसीको विषयमा प्रचण्ड प्रतिनिधिसभा बैठकमा कुनै धारणा राखेका थिएनन् ।