अखबार नेपाल ट्रेन्डिङ

काठमाडौं: नेकपा माओवादी केन्द्रले सरकारमा रहेका आफ्ना मन्त्रीहरूलाई फिर्ता बोलाउने तयारीका साथ अध्यक्ष पुष्पकमल दाहाल प्रचण्ड निवासमा स्थायी कमिटीको बैठक जारी छ ।

प्रधानमन्त्री शेरबहादुर देउवा अमेरिकी सहयोग परियोजना एमसिसी सम्झौता जसरी पनि अनुमोदन गर्ने गरी अघि बढेकाले माओवादी सरकारमा नबस्ने निष्कर्षमा पुगेको एक स्थायी कमिटी सदस्यले बताए ।

माओवादी संसदीय दलको बैठकले एमसीसी जबरजस्ती अनुमोदन गर्न खोजे सरकारबाट बाहिरिने निर्णय गरिसकेको छ ।

यद्यपि, माओवादी एमसीसी संसदमा टेबल गर्न सहमत भएको थियो । माओवादी अध्यक्ष प्रचण्डले सभामुख सापकोटालाई कांग्रेस पनि हटाउन लागि परेको भन्दै टेबल गर्न दिएको सार्वजनिक अभिव्यक्ति दिँदै आएको छ ।

आज दिउँसो १ बजे प्रतिनिधिसभा बैठक बस्दै छ । बैठकमा एमसीसीबारे सैद्धान्तिक छलफल गर्ने तयारी छ । सत्ता गठबन्धन दलहरू माओवादी केन्द्र र नेकपा एकीकृत समाजवादी यथास्थितिमा एमसीसी अनुमोदन गर्न नहुने पक्षमा छन् ।