अखबार नेपाल ट्रेन्डिङ

काठमाडौं: अमेरिकी सहयोग परियोजना संसदमा पेश भएपछि यसलाई पास गर्नेगरी प्रधानमन्त्री शेरबहादुर देउवा लागिरहेका छन् ।

उनले सक्रियता बढाएसँगै गठबन्धनमा रहेका अन्य दलमा भने छटपटी शुरु भएको छ ।

गठबन्धनमा रहेका माओवादी केन्द्र र नेकपा एकीकृत समाजवादी पार्टीभित्र आन्तरिक द्वन्द नै शुरु भएको छ ।

माओवादीभित्र बरिष्ठ नेता नारायणकाजी श्रेष्ठ र देब गुरुङले तत्काल सरकारबाट बाहिरिनुपर्ने बताईरहेका छन् ।

त्यस्तै एकीकृत समाजवादीका बरिष्ठ नेता झलनाथ खनालले पनि तत्काल सरकार छोड्नुपर्ने दबाब पार्टी अध्यक्ष माधवकुमार नेपाललाई दिएका छन् ।

तर पार्टी अध्यक्ष द्वय पुष्पकमल दाहाल(प्रचण्ड) र नेपालले पर्ख र हेरको रणनीति अख्तियार गरिरहेका छन् ।

उनीहरुले शुरुमा एमसीसी संसदमा पेश भए आफूहरु सरकारबाट बाहिरिने चेतावनी प्रधानमन्त्री देउवालाई दिए ।

तर, त्यसको देउवाले कुने प्रवाह नगरी एमसीसी संसदमा पेश गराए । संसदमा एमसीसी पेश हुँदै गर्दा प्रचण्ड नेपाल कुर्सीमा मौन रहेका थिए ।

तथापी उनीहरुकै दलका सांसदहरुले त्यसको चर्को बिरोध गरेका थिए ।

यसरी हेर्दा तत्काल प्रचण्ड नेपाल सरकार छोड्ने मुडमा देखिदैन । उनीहरुले एउमसीसीको बिरोधमा रहेका आफ्ना नेताहरुलाई मनाउने कोशिसमा लागिरहेका छन् ।

संसदमा पेश भईसकेको एमसीसी जसरी पनि पास हुने अवस्थामा रहेको छ । यो पास हुनका लागि संसदमा उपस्थित सांसदहरुको बहुमत सदस्यले पारित भए हुने प्राबधान रहेको छ ।

जसका कारण जसरी पनि एमसीसी पास हुने अवस्था देखेका प्रचण्ड नपालले अन्तिममा आफ्नो लय नै फेर्न सक्ने अवस्था देखिएको राजनीतिक चर्चा चल्न थालेको छ ।

सरकारबाट बाहरि बसे भने झन समस्या देखिएकोले उनीहरुले सकेसम्म लय नै फेरेर पनि सरकारमै प्रधानमन्त्री देउवालाई धम्काउदै सरकारमै रहिरहने रणनीति अख्तियार गरिरहेका छन् ।