अखबार नेपाल ट्रेन्डिङ

काठमाडौँ : अहिले चर्को बहसको रुपमा रहेको अमेरिकी सहयोग परियोजना एमसीसी संदनमा पेश भईसकेको छ । हिजो बसेको प्रतिनिधिसभाको बैठकमा एमसीसी पेश भएको हो । नेपाली कांग्रेसका सभापति एवम् प्रधानमन्त्री शेरबहादुर देउवाको जोडबलमा एमसीसी संसदमा पेश भएको हो ।

एमसीसी संसदमा पेश भएपछि त्यसलाई बहुमतले पारित गर्नुपर्ने जिम्मेवाली प्रधानमन्त्री देउवामा आईपरेको छ । सो बोझ हटाउन र संसदबाट एमसीसी पास गराउनका लागि देउवाले पार्टीका बरिष्ठ नेता रामचन्द्र पौडेललाई खटाएका छन् । पौडेलले उक्त कामको थालनी समेत गरिसकेका छन् ।

पौडेलले आफूलाई कमाण्डर बनाएर पार्टी सभापतिले पठाउनेबित्तिकै आज सोमबार जनता समाजवादी पार्टीका अध्यक्ष उपेन्द्र यादवसँग छलफल गरेलगत्तै नेकपा माओवादी केन्द्रका अध्यक्ष पुष्पकमल दाहालसँग भेट गरेका छन्।

उनले थालनी गरेको यो अभियानले कति सार्थकता  पाउला त्यो चाही हेर्न बाँकी नै छ ।