अखबार नेपाल ट्रेन्डिङ

काठमाडौं: आज दिउँसो ३ बजेका लागि बोलाईएको सत्तारुढ पाँच दलको बैठक दुई घण्टा पर सारेर बेलुका ५ बजेका लागि बोलाईएको छ ।

एमसीसी संसदबाट पारित गराउनको लागि निर्णयक भनिएको बैठक सार्नुलाई निकै अर्थपूर्ण रुपमा हेरिएको छ  ।

यसरी बैठक सर्नुको अर्थ चाहि आज बिहान प्रधानमन्त्री शेरबहादुर देउवा र माओवादी केन्द्रका अध्यक्षबीचको भटघाटले असर पारेको बालुवाटार स्रोतले जानकारी गराएको छ ।

देउवा प्रचण्डको भेटमा दुबैले आफ्नो अडान नछाडेका कारण सहमति हुन नसकेको र त्यसकै कारण  बैठक दुईघण्टा पर धकेलिएको बताईएको छ  ।

प्रधानमन्त्री देउवा आगामी प्रतिनिधि सभाको बैठकमा एमसीसी टेबल गर्न चाहन्छन् भने प्रचण्ड सहमति कायम गरेर मात्र अगाडि बढाउने अडानमा रहेका छन् ।

प्रधानमन्त्रीले जबरजस्ती एमसीसी सम्झौतालाई टेबल गरिएमा सरकार छाड्ने माओवादीले चेतावनी दिईसकेको  छ ।