अखबार नेपाल ट्रेन्डिङ

काठमाडौं: नेपाल कम्युनिस्ट पार्टी (जनवादी) र नेकपा (एकीकृत समाजवादी) पार्टीबीच एकीकरण भएको छ ।

आज राष्ट्रिय सभागृहमा आयोजित कार्यक्रममा एमालेबाट अलग भएर नयाँ पार्टी खोलेका माधव कुमार नेपालले माओवादीबाट अलग्गिएका देवेन्द्रसिंह महता नेतृत्वको नेकपा जनवादीसँग एकीकरण गरेका हुन् ।

माओवादी सशस्त्र युद्धकालमै चुनवाङ बैठकबाट प्रचण्डको कार्यदिशामा असहमति जनाउँदै २०६२ सालमा महतासहितले विद्रोह गरेका थिए ।

महतासहित जानुका श्रेष्ठ, हिमालचन्द्र खरेल, साधुराम चौलागाई, श्यामबहादुर बूढा, छत्र लाखे, विनोद थापा, मिना गिरी लगायतका नेता एकीकृत समाजवादीमा एकीकृत भएका छन् ।