अखबार नेपाल ट्रेन्डिङ

काठमाडौं: नेपाली कांग्रेसको नवनिर्वाचित केन्द्रीय समितिको पहिलो बैठक शनिबार बस्ने भएको छ ।

केन्द्रीय समितिको पहिलो बैठक बस्नु अगाडि सभापति देउवाले तीन जना नेताहरुलाई पार्टीको केन्द्रीय सदस्यमा मनोनित गर्ने भएका छन् ।

देउवाले शुक्रबार नेताहरु रामचन्द्र पौडेल, कृष्ण सिटौला र प्रकाशमान सिंहलाई केन्द्रीय सदस्य मनोनित गर्न लागेका हुन् ।

केन्द्रीय सदस्य मनोनित हुन लागेका सिंह १४औं महाधिवेशनमा पार्टी सभापतिका प्रतिस्पर्धी थिए । सभापति पदका लागि दोस्रो चरणको निर्वाचन हुँदा सिंहले देउवालाई समर्थन गरेका थिए ।

कांग्रेसको विधानमा सभापतिले ३३ जना केन्द्रीय सदस्य मनोनित गर्नसक्ने व्यवस्था छ ।