अखबार नेपाल ट्रेन्डिङ

काठमाडौं: देशभर थप ३ हजार ४ सय २१ जनामा कोरोना संक्रमण पुष्टि भएको छ ।

देशभरका विभिन्न ठाउँमा गरिएको पीसीआर तथा एन्टिजेन परीक्षणका क्रममा सोमबार थप ३ हजार ४ सय २१ जनामा संक्रमण पुष्टि भएको हो ।

गत २४ घण्टामा देशभरका विभिन्न प्रयोगशालाहरुमा गरी १२ हजार २ सय ४० जनाको आरटी–पीसीआर विधिबाट नमूना परीक्षण गरिएको थियो ।

पीसीआर परीक्षणबाट २ हजार ३ सय ९१ जनामा संक्रमण पुष्टि स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार गत २४ घण्टामा देशका विभिन्न ठाउँमा गरी २५ जना कोरोना संक्रमितको मृत्यु भएको छ ।

यससँगै नेपालमा हालसम्म कोरोना संक्रमणबाट मृत्यु हुनेको संख्या ९ हजार ७ सय ३८ पुगेको छ ।