आज देशभर ४३६८ जनामा कोरोना संक्रमण पुष्टि
वि.सं.२०७८ जेठ १६ आइतवार १७:००
काठमाडौं: पछिल्लो २४ घण्टामा देशभर ४ हजार ३ सय ६८ जनामा कोरोना संक्रमण पुष्टि भएको छ ।
देशभरका प्रयोगशालामा १० हजार ९ सय ८६ जनाको पिसिआर र १ हजार ७ सय ८४ जनाको एन्टीजेन परीक्षण गर्दा पीसीआरमार्फत ३ हजार ७ सय २ जना र एन्टीजेटमार्फत ६ सय ६६ जना संक्रमित पुष्टि भएको स्वास्थ्य तथा जनसंख्या मन्त्रालयले जनाएको छ ।
त्यस्तै, स्वास्थ्य मन्त्रालयका अनुसार पछिल्लो २४ घण्टामा देशभर १०९ जना संक्रमितको मृत्यु भएको छ ।
यसैबीच २४ घण्टामा देशभर थप ६ हजार २ सय ५ जना संक्रमित निको भएका छन् ।
पछिल्ला केही दिनयता नेपालमा थप कोरोना संक्रमितको तुलनामा संक्रमणमुक्त हुनेको संख्या बढिरहेको छ ।
वि.सं.२०७८ जेठ १६ आइतवार १७:००