अखबार नेपाल ट्रेन्डिङ

काठमाडौं: नेपाल कम्युनिस्ट पार्टी (नेकपा) बदर गरिएको फैसलाविरुद्ध पुनरवलोकनका लागि नेकपा माओवादी केन्द्रले आज सर्वोच्च अदालतमा निवेदन हाल्ने भएको छ ।

निवेदन हाल्न अहिले बिहान ११ बजे माओवादी केन्द्रका नेता अदालत पुग्ने कार्यक्रम रहेको स्रोतले जानकारी दिएको छ ।

पार्टीको नाम विवादबारे ऋषि कट्टेलले २ वर्षअघि हालेको मुद्दामा सर्वोच्च अदालतले गत फागुन २३ गते उनकै नेकपा वैधानिक र एमाले–माओवादी केन्द्र मिलेर बनेको नेकपा अवैधानिक भनेर फैसला गरेको थियो ।

ती पुरानै दुई दल कायम गरिदिएपछि नेकपाबाट अलग्गिएका एमाले र माओवादीका कतिपय नेता अदालतले माग दाबीभन्दा बढी फैसला गरेर ‘राजनीतिक’ निर्णय गरेको भन्दै असन्तुष्ट छन् ।

यसै क्रममा माओवादी केन्द्रले फैसलाविरुद्ध पुनरवलोकन गर्ने निर्णय गर्दै कानुनविद्सँगको परामर्शमा निवेदन समेत तयार पारिसकेको थियो ।

सोहीबमोजिम आज अदालत जान लागेको हो ।

हेर्नुहोस् तपाईको आज २०७७ चैत १७ गते मंगलबारको तपाईको राशिफल