अखबार नेपाल ट्रेन्डिङ

काठमाडौं: आज देशभरका तामाङ समुदायले सोनाम ल्होसार मनाउँदैछन् ।

हरेक वर्ष माघ शुक्ल प्रतिपदाका दिन मनाइने चाड तामाङ जातीको मुख्य पर्व हो ।

तामाङ समुदायमा इष्ट देवता मन्जुश्रीले पञ्चशीर्ष डाँडामा बसेर ८४ हजार धर्मतिर्सना गरेको ऐतिहासिक दिनलाई सोनाम ल्होसारको नामबाट मनाउन लागिएको हो ।

यो दिन तामाङ समुदायको नयाँ वर्ष पनि हो । मन्जुश्री पात्रोअनुसार आजदेखि घोडा वर्ष सुरु भएको छ ।

सोनाम ल्होसारका लागि सरकारले आज शुक्रबार सार्वजनिक विदा घोषणा गरेको छ । सोनाम ल्होसारको अवसरमा राष्ट्रपति बिद्यादेवी भण्डारीले शुभकामना सन्देश दिँदै नेपालीबीचको एकता, सदभाव र सहिष्णुता कायम गरी समृद्ध नेपाल निर्माणमा सबैलाई प्रेरणा मिलोस भनेर कामना गरेकी छन् ।