सरकारले राष्ट्रिय जनगणनाको लागि ४८ हजार कर्मचारी भर्ना गर्ने
वि.सं.२०७७ माघ ११ आइतवार १७:१२
काठमाडौं: सरकारले १२ औं राष्ट्रिय जनगणनाको लागि ४८ हजार कर्मचारी भर्ना गर्ने भएको छ । जनगणनामा खटिने गणकका लागि १ महिना र सुपरिवेक्षेको लागि २ महिनाका लागि करारमा कर्मचारी भर्ना गर्न लागिएको हो ।
केन्द्रीय तथ्यांक विभागले जनगणनाको लागि गणक र सुपरिवेक्षकले २०७७ माघ ११ देखि चैत ११ गतेसम्म इच्छुक व्यक्तिले संस्थाको वेवसाइटमा गएर स्मार्ट मोबाइल फोनबाट फारम भर्न सक्ने व्यवस्था मिलाएको छ । स्थानीय तहमा खुलेका कार्यालयमै तालिम दिइने राष्ट्रिय योजना आयोगले जनाएको छ ।
जनगणनाको लागि प्रदेश तथा जिल्लामा ८७ वटा कार्यालय स्थापना हुनेछन् भने स्थानीयस्तरमा ३४९ वटा कार्यालय खोल्ने तयारी विभागले गरेको छ । सरकारले ‘मेरो जनगणना, मेरो सहभागिता ’ भन्ने मूल नाराका साथ यहि जेठ २५ गतेदेखि असार ८ गतेसम्म हुने १२ औं राष्ट्रिय जनगणनामा ४ अर्ब रुपैयाँ खर्च लाग्ने अनुमान गरेको छ ।
विभागले घर तथा परिवार सूचीकरणका लागि वैशाख २६ देखि जेठ १४ गतेसम्म र २० व्यक्तिगत गणनाका लागि १५ दिन समय छुट्याएको छ । जेठ २५ गतेदेखि असार ८ गतेसम्म मूल गणना गर्ने अभियान स्वरुप नेपाल सबै जिल्ल्लामा एकै पटक जनगणना गर्ने छ । असार १ गतेलाई राष्ट्रिय जनगणना दिवसको रुपमा मनाइने छ ।
२०७८ असोज मसान्तसम्म सम्पूर्ण नतिजा सार्वजनिक गरेर विषयगत प्रतिवेदन तयार गरी नतिजा प्रकाशन गर्ने विभागको योजना छ । १९६८ पछि नेपालमा हरेक १० वर्षको अन्तरालमा जनगणना हुँदै आएको छ । यसै वर्ष १२ औं जनगणना आर्थिक वर्षको असारमा हुँदैछ ।
जनगणनाको प्रश्नावलीको खण्ड ‘क’ मा ११ वटा प्रश्न सोधिने छ । उक्त खण्डमा घरपरिवारको परिचयात्मक विवरणदेखि घरको प्रकार तथा घर बनाएको वर्षसम्म सोधिने छ । साथै परिवारले लिएको व्यवसायिक तथा प्राविधिक विषय सम्बन्धि प्रश्नावली तयार पारिएको छ ।
खण्ड ‘ख’ को मुख्य प्रश्नावलीमा परिवारले प्रयोग गरेको फोन, सवारी साधन, रेप्रिजेरेटर, वासिंङ मेशिन, एयर कन्डिशनलगायतका घरायसी सुविधा तथा साधनको वारेमा प्रश्न सोधिने छ । साथै परिवारमो महिलाका नाममा रहेको घरजग्गा विवरण समेत सोधिने भएको छ ।
यो पनि पढ्नुहोस् :
नेताहरुको सम्पत्ति छानबिन गर्न शक्तिशाली आयोग गठन गर्दै ओली, क -कसलाई लगाउदैछन् ठेगान ?
वि.सं.२०७७ माघ ११ आइतवार १७:१२