अखबार नेपाल ट्रेन्डिङ

काठमाडौं:  बर्दिवासमा  बुधबार बिहान ९ बजेदेखि बिहीबार बिहान ६ बजेसम्मका लागि निषेधाज्ञा जारी गरिएको छ ।  बर्दिवासकी ६ वर्षीया बालिका गुलाप्सा खातुनको बलात्कारपछि हत्याको विरोधमा गरिएको प्रदर्शनमा प्रहरीको गोली लागेर घाइते भएका एक युवकको मृत्यु भएको छ ।

मंगलबार भएको प्रदर्शनका क्रममा प्रहरीको गोली लागेर घाइते भएका बर्दिवास नगरपालिका-१ बस्ने ४० वर्षीय सञ्जय भनिने बुद्धिराज न्यौपानेको गएराति काठमाडौँको ग्राण्डी अस्पतालमा उपचारका क्रममा मृत्यु भएको हो । न्यौपानेको मृत्युले स्थानीयलाई थप आक्रोशित बनाएको छ ।

बर्दिवासमा स्थानीयबासीले गोली चलाउने प्रहरीमाथि कारबाही गर्नुपर्ने माग गर्दै बिहानै पूर्व-पश्चिम राजमार्ग अवरुद्ध गरेर प्रदर्शन गरेका छन् । स्थितिलाई नियन्त्रणमा लिन जिल्ला प्रशासन कार्यालयले निषेधाज्ञा जारी गरेको हो ।

बर्दिवास नगरपालिकाको पूर्वमा वार्ड नं १ को रातो खोला, पश्चिम मा वार्ड नं ५ को माइस्थान, उत्तरमा वार्ड नं ३ को गौरीवास (पाटु) र दक्षिणमा वार्ड नं ८ को हात्तीलेट क्वार्टर चौकसम्म बुधबार बिहान ९ बजेदेखि बिहीबार बिहान ६ बजेसम्मका लागि निषेधाज्ञा जारी गरिएको जिल्ला प्रशासन कार्यालयले जनाएको छ ।

निषेधाज्ञा जारी भएको क्षेत्रमा ५ जनाभन्दा बढी भेला हुन पाउने छैनन् । पूर्व-पश्चिम राजमार्ग सुचारू रहने छ ।

यो पनि पढ्नुहोस् :

https://www.akhabarnepal.com/2020/11/19443/