अखबार नेपाल ट्रेन्डिङ

काठमाडौं: विश्वभर ४ करोड ४७ लाखभन्दा बढीमा कोरोना भाइरस संक्रमण भएको छ ।

वर्ल्डोमिटर्सका अनुसार पछिल्लो २४ घण्टामा विश्वभर ५ लाख २ हजारभन्दा बढीमा संक्रमण भएको छ ।

योसँगै संक्रमितको संख्या ४ करोड ४७ लाख ३९ हजार ९ सय १७ पुगेको छ । संक्रमितमध्ये ८१ हजार १ सय ६६ जनाको अवस्था गम्भीर छ ।

यस्तै पछिल्लो २४ घण्टामा ७ हजार १ सय ४ जनाको मृत्यु भएको छ । योसँगै विश्वभर कोरोनाले मृत्यु हुनेको संख्या ११ लाख ७८ हजार ५ सय २७ पुगेको छ ।

यस्तै विश्वभर सक्रिय संक्रमितको संख्या १ करोड ८५ लाख ३ नाघेको छ । पछिल्लो २४ घण्टामा २ लाख ६५ हजारभन्दा धेरै निको भएर घर फर्किएका छन् ।

योसँगै संक्रमण मुक्त हुनेको संख्या ३ करोड २७ लाख नाघेको छ ।

सबैभन्दा धेरै संक्रमित भएको अमेरिकामा ९१ लाख १८ हजारभन्दा बढीमा संक्रमण पुष्टि भएको छ ।

दोस्रो धेरै संक्रमण भएको मुलुक भारतमा संक्रमित संख्या ८० लाख नाघेको छ । यस्तै ब्राजिलमा संक्रमित संख्या ५४ लाख ६९ हजार पुगेको छ ।

कोरोना भाइरसकै संक्रमणबाट युरोपियन मुलुकहरूमा २ लाख ५७ हजार ४ सय ५४ जनाको मृत्यु भएको छ ।

९१ लाख ५ हजार २ सय ३७ जना संक्रमित भएकोमा ३६ लाख ४ हजार ८ सय ३३ जना संक्रमणमुक्त भएका छन् ।