अखबार नेपाल ट्रेन्डिङ

काठमाडौं: पछिल्लो २४ घण्टामा देशभर ५ सय ७० जना कोरोना संक्रमित भेटिएका छन् ।

संक्रमितमा २ सय ११ जना महिला र ३ सय ५९ जना पुरुष रहेका छन् ।

यो सँगै संक्रमितको संख्या १ लाख ६० हजार ४ सय पुगेको छ ।

संक्रमितमध्ये हालसम्म १ लाख १८ हजार ८ सय ४३ जना निको भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार पछिल्लो २४ घण्टामा २ हजार ७ सय २५ जनाको पीसीआर परीक्षण भएको छ ।

यस्तै पछिल्लो २४ घण्टामा देशभर ३ हजार १ सय ६८ जना निको भएका छन् भने १४ जनाको मृत्यु भएको छ ।

हालसम्म देशभर कोरोनाबाट मृत्यु हुनेको संख्या ८ सय ७६ पुगेको छ ।

यस्तै सक्रिय संक्रमित ४० हजार ६ सय ३१ जना रहेका छन् ।