अखबार नेपाल ट्रेन्डिङ

काठमाडौं: स्वास्थ्य तथा जनसंख्या मन्त्रालयका अनुसार नेपालमा २ हजार ९ सय ४२ कोरोना भाइरस सङ्क्रमित थपिएका छन् ।

पछिल्लो २४ घण्टामा सो संख्यामा सङ्क्रमित थपिएसँगै नेपालमा कुल सङ्क्रमित एक लाख ३२ हजार २ सय ४६ पुगेको छ ।

स्वास्थ्य तथा जनसंख्या मन्त्रालयद्वारा नियमित प्रेस ब्रिफिङको क्रममा पछिल्लो २४ घण्टामा सो संख्यामा सङ्क्रमण पुष्टि भएको जनाएको हो ।

हाल ३९ हजार ३ सय ४१ जनामा भाइरसको सङ्क्रमण सक्रिय छ ।

मन्त्रालयका अनुसार पछिल्लो २४ घण्टामा २ हजार ३ सय २६ जना कोरोना सङ्क्रमित निको भएर घर फर्केका छन् ।

हालसम्म ९२ हजार १ सय ६६ जना सङ्क्रमित निको भएर घर फर्केका छन् । निको हुने दर विगतको तुलनामा केही दिनदेखि कम हुँदै गइरहेको छ ।

पछिल्लो २४ घण्टामा १२ जनाको कोरोना भाइरसका कारण मृत्यु भएको छ ।

यो सँगै नेपालमा कोभिड–१९ को कारणले मृत्यु हुनेको संख्या ७ सय ३९ पुगेको छ ।