अखबार नेपाल ट्रेन्डिङ

काठमाडौं: सरकारले पछिल्लो समय कोरोना भाइरसको संक्रमण ह्वात्तै बढिरहेकाले हामी जहाँ छौं, त्यही दशैं मनाउन अपिल गरेको छ । स्वास्थ्य तथा जनसंख्या मन्त्रालयले दशैंका लागि यात्रा नगर्न आग्रह गरेको छ ।

सरकारले यात्रा नगर्न आग्रह गरे पनि यस्तो महामारीमा मासिनहरुले यात्रा गर्न छाडेका छैनन । उपत्यकाका नाकामा दैनिक उपत्यका भित्रिने र बाहिरिनेको चाप देखिन्छ । दैनिक १० हजारको हाराहारीमा मासिनहरु उपत्यका बाहिरि रहेका छन् । असोज १ गतेदेखि अहिलसम्म ४ लाखको हाराहारीमा मानिसहरुले उपत्यका छाडेको थानकोट प्रहरी वृत्तले जनाएको छ ।

दशैंमा घर जान चाहने यात्रुलाई व्यवस्थित रुपमा सुरक्षित तरिकाले सरकारले तोकेको भाडादरमा सहजै यात्रा गर्न पाउने साथै सरकारले तोकेको स्वास्थ्य सुरक्षा मापदण्डमा रहेर यात्रा गराइरहेको बताउँदै ढुक्क भएर सार्वजनिक यातायातमा यात्रा गर्न यातायात व्यवसायी राष्टिय महासंघले जनाएको छ ।

कोरोना भाइरस आफैँ आउँदैन यो अरुबाट सार्न आफै लिन जानुपर्छ की कसैले कोशेलीको रुपमा ल्याइदिन्छ । ज्येष्ठ नागरिकको हेरचाह गर्ने व्यक्ति पनि सधै सचेत रहनु पर्ने जनाउँदै सरकारले दशैँको टिका थाप्ने प्रयोजनका लागि मात्र यात्रा नगर्न आग्रह गरेको छ । ।