अखबार नेपाल ट्रेन्डिङ

काठमाडौं: देशभर कोरोना संक्रमणका कारण मृत्यु हुने दर ह्वात्तै बढेको छ ।

पछिल्लो ४८ घण्टामा २४ जनाको मृत्यु भएको सरकारको तथ्यांकले देखाएको छ ।

शुक्रबार १२ जनाको मृत्यु भएको थियो भने शनिबार पनि १२ जनाको मृत्यु भएको स्वास्थ्य तथा जनसंख्या मन्त्रालयका प्रवक्ता जागेश्वर गौतमले जानकारी दिएका छन् ।

शनिबार नियमित प्रेस ब्रिफिङमा उनले ९ जना पुरुष र ३ जना महिलाको कोरोनाका कारण मृत्यु भएको जानकारी दिए ।

पछिल्लो दुई दिनको तथ्यांक अनुसार नेपालमा प्रत्येक दुई घण्टामा १ जनाको मृत्यु हुने गरेको पाईएको छ ।

नेपालमा शनिबारसम्म मृत्यु हुनेको संख्या २ सय ७ पुगेको छ ।

भदौ शुरु भएयता १३ दिनमा कोरोनाबाट १ सय ३ जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।