अखबार नेपाल ट्रेन्डिङ

एजेन्सीः संयुक्त राष्ट्रसंघले अफगानिस्तनमा कोरोना महामारी नियन्त्रणका लागि खटिएका स्वास्थ्यकर्मी विरुद्ध निरन्तर आक्रमण भएको भन्दै निन्दा गरेको छ । राष्ट्रसंघले विज्ञप्ती जारी गर्दै महामारी नियन्त्रणका लागि निरन्तर खटिएका स्वास्थ्यकर्मी माथी सरकारी सेना र विद्रोही तालिवानीहरुले आक्रमण गरेको भन्दै निन्दा गरेको छ ।

अफगानिस्तानमा जारी हिंसामा सरकारी सेना र विद्रोही तालिवानीहरुले महामारी नियन्त्रणमा असहयोग गरेको राष्ट्रसंघको ठहर छ । राजधानी काबुलमा विद्रोहीको आक्रमणका कारण अस्पतालमा आक्रमण हुँदा नवजात शिशु, सुत्केरी महिला र नर्सहरुको मृत्यु भएको अन्तर्राष्ट्रिय समाचार संस्थाहरुले जनाएका छन् ।

अफगानिस्तानमा हालसम्म २९ हजार भन्दा बढी संक्रमित फेला परेका छन् भने ५८१ जनाको मृत्यु भइसकेको छ । गत मार्चमा २ लाख भन्दा बढी अफगानीहरु छिमेकी देशहरुबाट फर्किइपछि महामारीको संख्या बढेको बताइएको छ । यता सेभ द चिल्ड्रेनले प्रकाशित गरेको प्रतिवेदनअनुसार कोरोनाको महामारीसँगै खाद्यान्नको मूल्य वृद्धि हुँदा लाखौं बालबालिका भोकमरीको शिकार हुनसक्ने चेतावनी दिइएको छ । घटनाको अहिलेसम्म कसैले पनि जिम्मेवारी नलिएको बताइएको छ ।