अखबार नेपाल ट्रेन्डिङ

एजेन्सीः विश्वभर कोरोना भाइरसको संक्रमणबाट मृत्यु हुनेको संख्या दुई लाख नजिक पुगेको छ । वल्डोमिटरले शनिबार विहान सार्वजनिक गरेको तथ्यांक अनुसार विश्वभर कोरोनाबाट ज्यान गुमाउनेको संख्या १ लाख ९७ हजार तीन रहेको छ ।

कोरोना भाइरसको संक्रमणपछि अस्पताल भर्ना भएका ७ लाख ८० हजार ८५ जना मानिस उपचारपछि निको भएर घर फर्किएका छन् । उपचारपछि निको भएर घर फर्किने मानिसहरुको उक्त संख्या कोरोनाले मृत्यु भएकाको भन्दा ५ लाख ८३ हजार १ सय २१ ले बढी हो । कोरोना भाइरसको तथ्यांक अध्यावधिक गरिरहेको वर्ल्डोमिटर इन्फोका अनुसार शनिबारसम्म युरोपमा ३ लाख ९३ हजार १ सय ८८ जना कोरोनाको संक्रमणबाट मुक्त भएका छन् ।

कोरोनाका कारण अमेरिकामा सबै भन्दा बढी ५२ हजार ९७ जनाको मृत्यु भएको छ । त्यहाँ ९ लाख २३ हजार आठ सय १२ जना संक्रमित छन् । अमेरिकमा विगत २४ घण्टामा एक हजार आठ सय ६३ जनाले ज्यान गुमाइसकेका छन । अमेरिका पछि सबै भन्दा धेरै इटालीमा मृतकको संख्या रहेको छ। त्यहाँ मृत्यु हुनेको संख्या २५ हजार ९ सय ६९ छ । त्यस्तै स्पेनमा २२ हजार ५ सय २४ जनाले ज्यान गुमाएका छन् । २ लाख १९ हजार ७ सय ६४ जनामा संक्रमण देखिएको छ ।

जर्मनीमा एक लाख ५४ हजार ९ सय ९९ संक्रमति छन् । मृतकको संख्या ५ हजार ७ सय ६० छ । बेलायमा ज्यान गुमाउनेको संख्या झण्डै २० हजार रहेको छ । त्यहाँ १९ हजार ५ सय ६ जनाको मृत्यु भइसकेको छ । बेलायतमा १ लाख ४३ हजार भन्दा बढीमा संक्रमण देखिएको छ ।

टर्कीमा पनि संक्रमितको संख्या एक लाख नाघेको छ । टर्कीमा १ लाख चार हजार ९ सय १२ जनामा संक्रमण देखिएको छ। त्यस्तै इरानमा ८८ हजार १ सय ९४ जनामा संक्रमण देखिएको छ भने पाँच हजार पाँच सय ७४ जनाको मृत्यु भएको छ । चीनमा अहिलेसम्म चार हजार ६ सय ३२ जनाको मृत्यु भएको छ । त्यहाँ विगत दुई दिन अघि कुनै पनि मृतक फेला परेका छैनन् ।

चीनमा संक्रमितको संख्या ८२ हजार आठ सय चार जना छन् । चार महिनादेखि कोरोना भाइरसको महामारीले सिंगो मानव समुदायलाई सताइरहेको छ । विश्वभर संक्रमितको संख्या २८ लाख २७ हजार ३ सय ९१ पुगेका छन् । त्यस्तै ७ लाख ९८ हजार ३ सय ३१ जना निको भएर घर फर्किएका छन् ।