अखबार नेपाल ट्रेन्डिङ

काठमाडौं: नेपाल आयल निगमले बजारमा पेट्रेलियम पदार्थको अभाव नरहेको भन्दै अनावश्यक संकलनमा नलाग्न आग्रह गरेको छ । कोरोना संक्रमणको डरले सीमा बन्द गरिएपछि भारतबाट आयात बन्द हुने आशंकामा बजारमा माग बढेको भएपनि आपूर्तिमा कुनै समस्या नरहेको निगमको भनाई छ ।

निगमका प्रवन्ध निर्देशक सुशिल कुमार पौडेलले पेट्रोलियम पदार्थको आयात र वितरणमा कुनै समस्या नरहेको बताएका छन् । वाणिज्य, आपूर्ति तथा उपभोक्ता संरक्षण विभागका महानिर्देशक नेत्रप्रसाद सुवेदीले पेट्रोलियम पदार्थको वितरणमा निरन्तर अनुगमन भइरहेको जानकारी दिएका छन् । नेपाल पेट्रोलियम ढुवानी व्यवसायी तथा ग्यास व्यवसायीले पनि बजारमा पेट्रोलियम पदार्थ तथा ग्यासको आपूर्ति वा ढुवानीमा कुनै समस्या नरहेको निगमले जनाएको छ । आयल निगम र सम्बद्ध व्यवसायीहरुले कोरोनाको नाममा बजारमा कुनै कृतिम अभाव पैदा गर्न खोजिएको र अत्याधिक संकलनको प्रयासले माग बढ्दा समस्या भएको बताएका छन् ।