अखबार नेपाल ट्रेन्डिङ

रामेछापः नेपाली कांग्रेस रामेछापले स्थानीय तह निर्वाचनका लागि ८ वटै तहमा उम्मेदवार टुंगो लगाएको छ ।

आइतबार राती कांग्रेसले जिल्लाको ८ वटै स्थानीय तहमा नगरपालिका र गाउँपालिकाका प्रमुख/उपप्रमुखको उम्मेदवार टुंगो लगाएको हो ।

कांग्रेस मन्थली नगरपालिकाको नगर प्रमुखमा बिनोद कार्की उपप्रमुखमा यशोधा श्रेष्ठ उम्मेदवार बनेका छन् भने रामेछाप नगरपालिकामा निवर्तमान सभापति समेत रहेका लवश्री न्यौपा नगर प्रमुखको उम्मेदवार बनेका छन् भने उपप्रमुखमा सुशिला लामा उम्मेदवार बनेका छन् ।

कांग्रेसले लिखु तामाकोसी गाउँपालिकाको अध्यक्षमा केशव महत र उपाध्यक्षमा सरस्वती गुरुङ खड्कालाई उपाध्यक्षको उम्मेदवार बनाएको छ ।

त्यसैगरी उमाकुण्ड गाउँपालिकामा अध्यक्षमा जितबहादुर कटुवाल उपाध्यक्षमा सावित्री सुनुवार उम्मेदवार बनेकी छिन् । गोकुलगंगा गाउँपालिकामा काजी बहादुर खड्का (निदेश) अध्यक्षको उम्मेदवार बनेका छन भने उपाध्यक्षमा उषा वस्नेत कार्की उम्मेदवार बनेकी छिन् ।

दोरम्बा गाउँपालिकामा अध्यक्ष मानबहादुर लामा र उपाध्यक्षमा खमला थापामगरलाई उम्मेदवार बनाएको छ । सुनापति गाउँपालिकामा कमान खड्का (दिपेन्द्र)लाई अध्यक्ष र शान्ति मोक्तानलाई उपाध्यक्षको उम्मेदवार बनाईएको छ ।

यसैगरी कांग्रेसले खाँडादेवी गाउँपालिकाको अध्यक्षको उम्मेदवार नवराज थोकरलाई बनाएको छ भने उपाध्यक्षमा चण्डिका उप्रेतीलाई उम्मेदवार बनाएको छ ।