अखबार नेपाल ट्रेन्डिङ

रामेछाप: रामेछापमा नेकपा माओवादी केन्द्र र नेकपा एकीकृत समाजवादीबीच चुनावी तालेमल गर्ने सहमति भएको छ ।

नेपाली कांग्रेसले चुनावी तालमेल गर्न नमानेपछि माओवादी र एकीकृत समाजवादीबीच चुनावी तालमेल गर्ने सहमति भएको हो ।

८ वटा स्थानीय तह मध्ये माओवादीले ६ वटा र एकीकृत समाजवादीले दुई वटा स्थनीय तह लिने सहमति भएको जानकारी भएको छ ।

माओवादीले मन्थली नगरपालिका, रामेछाप नगरपालिका, सुनापति गाउँपालिका, खाँडादेवी गाउँपालिका, लिखु तामाकोसी गाउँपालिका र उमाकुण्ड गाउँपालिका र एकीकृत समाजवादीले खाँडादेवी र गोकुलगंगा पाएको छ ।

माओवादीले मन्थली नगरपालिकामा नारानारायण श्रेष्ठ, रामेछाप नगरपालिकामा नरेशबाबु श्रेष्ठलाई नगर प्रमुखको उम्मेदवार बनाउने निर्णय गरेको छ ।

त्यसैगरी माओवादीले सुनापति गाउँपालिकामा ठूलो कान्छा तामाङ, दोरम्बा शैलुङ गाउँपालिकामा मैन कुमार मोक्तान, लिखु तामाकोसी गाउँपालिकामा रविन्द्र पौडेल र उमाकुण्ड गाउँपालिकामा अन्नत खड्कालाई अध्यक्षको उम्मेदवार बनाउने निर्णय गरेको छ ।

एकीकृत समाजवादीले खाँडादेवी गाउँपालिकामा प्रेम बहादुर तामाङ र गोकुलगंगा गाउँपालिकामा बलराम खड्लाई अध्यक्षको उम्मेदवार बनाउने निर्णय गरेको छ ।