अखबार नेपाल ट्रेन्डिङ

काठमाडौं: पर्यटक भिसा अवधि सकिएपछि अनधिकृत रुपमा बस्ने विदेशी नागरिकहरुलाई सरकारले जरिवाना सहितका शुल्क छुट दिएर देश निकाला गरेको छ ।

अध्यागमन विभागका अनुसार चालु आर्थिक वर्षको तीन महिनामा अर्थात कात्तिकदेखि पुषसम्म १९१ जना विदेशीलाई नेपालबाट निकासा गरिएको छ । मंसिर महिनामा मात्र २० जना विदेशीलाई निष्काशन गरिएको विभागले सार्वजनिक गरेको तथ्यांकमा उल्लेख छ ।

सरकारले चालू आर्थिक वर्षको पहिलो तीन महिनामा एक सय भन्दा बढी विदेशी नागरिकलाई देश निकाला गरिदिएको छ । गैरकानूनी रुपमा नेपाल बसिरहेका तथा विभिन्न अपराधका कसुरमा सहभागी भएका विदेशीलाई देश निकाला गर्ने प्रचलन छ ।

देश निकाला भएका विदेशीहरुमा सबैभन्दा बढी चिनियाँ नागरिक रहेका छन् । यस अवधिमा ८५ जना चिनियाँ नागरिकलाई देश निकाला गरिएको अध्यागमन विभागले जनाएको छ ।

त्यस्तै, पाकिस्तानी नागरिक १० जना, बेलायती नागरिक १२ जना, अमेरिकन नागरिक १२ जना र उज्बेकिस्तानी नागरिक ९ जनालाई यस अवधिमा देश निकाला गरिएको छ ।