अखबार नेपाल ट्रेन्डिङ

काठमाडौं : मादक पदार्थ सेवन गरी चितवनकी एक महिला डेढ वर्षको छोरोसहित राप्ती नदीमा हाम फालेकी छन् ।

छोरो सहित हाम फालेकी ती महिलालाई प्रहरीले उद्धार गरेको छ भने छोराको मृत्यु भएको छ ।

भरतपुर महानगरपालिका २२ पटिहानी बोटे टोलकी ३५ वर्षीया हेमन्ती बोटे हिजो बिहीबार राप्ती नदीमा छोरोसहित हाम फालेकी हुन ।

इलाका प्रहरी कार्यालय गितानगरको टोलीले खोजी गर्दा हेमन्तीलाई हामफालेको ठाउँभन्दा नजिकैबाट सकुशल उद्धार गरेको चितवन प्रहरीले जनाएको छ।

छोराको शव भने करिब २ किलोमिटर तल मेजरघाटमा मृत फेला परेको प्रहरीले जनाएको छ ।ती महिला नदीमा हामफाल्नुको कारण खुलेको छैन ।