अखबार नेपाल ट्रेन्डिङ

काठमाडौ : आफ्नो पदको हैसियत नबुझेर भन्दा पनि रक्सी र तरुनीका भोगी एक सरकारी हाकिमलाई नेपाल प्रहरीले सुन्धारको होटलबाट रंगेहात पक्राउ गरेको थियो ।

उनी दुईटी तरुनीलाई दुईतिर राखेर ११ लाखको बिटोसहित नक्कली ‘वर्थ डे’ मनाउदै गर्दा सुन्धाराको इसन होटलबाट पक्राउ परेका थिए ।

यसरी पक्राउ पर्नेमा कञ्चनपुरका निमित्त सिँचाइ डिभिजनल इञ्जिनियर प्रचण्डदेव विष्ट थिए । जसलाई अख्तियारले साधारण तारेखमा छाडेको छ।

अख्तियारबाट विष्टसहित अन्य सात जना पनि छुटेका छन् । यसरी अख्तियारकै हिरासतमा राखेर बयान लिने काम सकिए पनि मुद्धा चलाउने कि नचलाउने भन्नेमा अख्तियार नै अलमलमा परेको छ ।

यसरी अलमलमा पर्नुको प्रमुख कारण चाही कोभिड १९ अर्थात कारोना रहेको छ । अहिले अख्तियारमा ११ जना कर्मचारीमा कोरोना पोजेटिभ देखिएको छ भने उनीहरु कार्यालयमा आएका छन् ।

कार्यालयमा कर्मचारी नहुँदा अख्तियारको दैनिक कामकारबाहीमा समेत असर पर्ने गरेको छ ।