नेपालमा कोरोना भाइरस संक्रमितको संख्या ३४,४१८ पुग्यो
वि.सं.२०७७ भदौ १० बुधवार १८:५४
काठमाडौं: पछिल्लो २४ घन्टामा नेपालमा थप ८ सय ८५ जनामा कोरोना भाइरसको संक्रमण देखिएको छ।
२४ घन्टामा देशका विभिन्न प्रयोगशालामा गरिएको परीक्षणका क्रममा ८ सय ८५ जना सहित नेपालमा कोरोना संक्रमित हुनेको संख्या ३४ हजार ४ सय १८ जना पुगेको स्वास्थ्य तथा जनसंख्या मन्त्रालयले जनाएको छ ।
देशभर रहेका संक्रमितमध्ये १ सय ५१ जना आइसियुमा र १४ जनाको भेन्टिलेटरमा उपचार भइरहेको छ।
बुधबार काठमाडौं उपत्यकामा ३ सय १ संक्रमित थपिएका छन् । काठमाडौंमा २ सय ३०, ललितपुरमा २४ र भक्तपुरमा ४७ क्रमित थपिएका छन् । योसँगै उपत्यकामा कोरोना संक्रमितको संख्या ४ हजार १९ पुगेको छ।
पछिल्लो २४ घण्टामा थप ३ सय ८५ जना सहित नेपालमा हालसम्म १९ हजार ५ सय ४ उपचारपछि निको भएका छन्।
नेपालमा हालसम्म १ सय ७५ जना कोरोना संक्रमितको मृत्यु भएको मन्त्रालयले जनाएको छ ।
वि.सं.२०७७ भदौ १० बुधवार १८:५४