अखबार नेपाल ट्रेन्डिङ

काठमाडौं: नेपालमा पछिल्लो २४ घण्टामा १० हजार २ सय ५८ जनामा कोरोना भाइरस संक्रमण पुष्टी भएको स्वास्थ्य तथा जनसंख्या मन्त्रालय जनाएको छ ।

यो संख्या तेस्रो लहरयताको सबैभन्दा बढी हो । २२ हजार ८ सय २८ जनाको परीक्षण गर्दा करिब ४९ प्रतिशतमा कोरोना पाइएको हो ।

मन्त्रालयका अनुसार पीसीआर विधिबाट ८ हजार ७ सय ३० जना र एन्टिजेन विधिबाट १५ सय २८ जनामा कोरोना संक्रमण पुष्टि भएको हो ।

देशभर आरटी पीसीआर विधिबाट १७ हजार ८ सय ७२ र एन्टिजेन विधिबाट ४९ सय ५६ नमुना परीक्षण गरिएको थियो ।

यही अवधिमा केबल ५ सय ६४ जना मात्रै संक्रमित निको भएका छन् ।

कोरोनाको तेस्रो लहर आएसँगै मृत्यु दर भने एकदमै कम छ ।

मन्त्रालयका अनुसार पछिल्लो २४ घण्टामा १ जनाको कोरोनाबाट मृत्यु भएको जनाएको छ ।

नेपालमा मंगलबारसम्म सक्रिय संक्रमित ३९ हजार ४४ पुगेका छन् ।