अखबार नेपाल ट्रेन्डिङ

काठमाडौं: नेपालमा ८ हजार एक सय ७३ जनामा कोरोना भाइरस संक्रमण पुष्टि भएको छ ।

पीसी आर र एन्टीजेन परिक्षणमा ८ हजार ४४ र १०९ जना गरी ८ हजार १७३ जनामा कोरोना संक्रमण पुष्टि भएको हो ।

स्वास्थ्य तथा जनसंख्या मन्त्रालयका अनुसार नेपालमा सक्रिय संक्रमितको संख्या १ लाख १४ हजार ७ सय १३ रहेको छ ।

पछिल्लो २४ घण्टामा ७ हजार ९८९ जना निको भएका छन् ।

स्वास्थ्य तथा जनसंख्या मन्त्रालयका प्रवक्ता जागेश्वर गौतमका अनुसार पछिल्लो २४ घण्टामा मृत्यु भएका र २४ घण्टामा विवरण प्राप्त भएकाहरु गरी जम्मा २ सय ४६ जना कोरोना संक्रमितको मृत्यु भएको जानकारी दिएका छन् ।

उनका अनुसार सीसीएमसी, नेपाली सेनाद्वारा कोभिड १९ को शव व्यवस्थापन तथ्यांकको आधारसहित सो संख्यामा मृतक थपिएका हुन् ।

योसँगै हालसम्म कोरोनाले ज्यान गुमाउनेको संख्या ५ हजार ६ सय ५७ पुगेको मन्त्रालयले जानकारी दिएको छ ।