अखबार नेपाल ट्रेन्डिङ

काठमाडौं: नेकपा एमालेभित्र १० बुँदे पक्षधरलाई निमिट्यान्न पार्ने अवस्था आएपछि  एकजना एमाले नेताले पार्टी परित्याग गरेका छन् ।

यसरी पार्टीबाट अलग हुने निर्णय गर्ने नेता हुन झापाका नेता डिल्लीराम घिमिरे ।

पार्टी अध्यक्ष केपी शर्मा ओलीकै जिल्लामा यसरी पार्टी परित्याग भएपछि अनेक खालको आशंका पैदा गराएको छ ।

एमाले क्षेत्र नम्बर ३, समन्वय समितिका संयोजकसमेत रहेका घिमिरेले सामाजिक सञ्जालमा पार्टी छाड्नु परेको कारण लेख्दै उक्त घोषणा गरेका हुन् ।

घिमिरे तत्कालीन काँकडभिट्टा गाविसका अध्यक्ष थिए ।

उनले सामाजिक संजालमा स्ट्याटस हाल्दै पार्टीले आफूमाथि निर्मम अन्याय गरेको बताएका छन् । उनले फेसबुकमा लेखेका छन्, ‘गुटबन्दीका नाइकेहरुसँग पटक पटक अन्याय सहनुभन्दा स्वतन्त्र जीवन जिउनु उचित ठानेर आजकै मितिबाट नेकपा एमालेको सम्पूर्ण जिम्मेवारीबाट अलग भएको छु ।’