अखबार नेपाल ट्रेन्डिङ

एजेन्सी: फिलिपिन्समा तीनवटा दुर्घटना हुँदा कम्तीमा ३१ जनाको ज्यान गएको छ । मध्य फिलिपिन्सको इलोइलो र गुएइरमास क्षेत्रको बीचमा रहेको जलक्षेत्रमा मोटरजडित तीनवटा फेरी दुर्घटनामा परेका हुन् ।

खराब मौसमका कारण ती फेरीहरु दुर्घटनामा परेको अधिकारीले जनाएका छन् । दुर्घटनामा हराइरहेका अरु ३ जनाको खोजीकार्य जारी छ । दुई फेरीमा ९६ जना यात्री सवार थिए । तेस्रो फेरीमा भने यात्रुविहीन रहेको बताइएको छ ।

बाँकी यात्रुलाई भने उद्धार गरिएको फिलिपिन्सको तटरक्षक निकायले जनाएको छ । ७ हजार १ सयभन्दा धेरै टापु मिलेर बनेको फिलिपिन्समा हरेक वर्ष यस्ता दुर्घटनामा हजारौंले ज्यान गुमाउने गरेका छन् ।