अखबार नेपाल ट्रेन्डिङ

एजेन्सी: रूसी प्रहरीले मस्कोमा प्रदर्शनमा उत्रिएका १४ सय प्रदर्शनकारीलाई पक्राउ गरेको छ । खुला निर्वाचन हुनुपर्ने माग राख्दै प्रदर्शनमा उत्रिएका उनीहरुलाई पक्राउ गरेको एएफपीले जनाएको छ । प्र

मुख विपक्षी दलका नेतालाई चुनावमा सहभागी हुन नदिइएपछि करिब ३५ सयभन्दा बढी सहभागीले प्रदर्शनमा उत्रिएका थिए । मतदान हुनुभन्दा केही दिन अघि उक्त निर्णय फिर्ता गर्न माग राख्दै २२ हजारभन्दा बढी स्थानीय सडमा उत्रिएका थिए । तर, सरकारले उक्त माग सुनुवाई नगरेपछि आक्रोशित जनताले प्रदर्शनलाई सशक्त रुपमा अघि बढाएका थिए ।

युरोपियन युनियनले एक विज्ञप्ति जारी गर्दै रुसी सरकारको ‘शान्तिपूर्ण प्रदर्शनमा अनावश्यक बल प्रयोग गरेको’ भन्दै भर्त्सना गरेको छ । अभिव्यक्ति स्वतन्त्रता, संस्था र संसदको अवमूल्यन भएको विज्ञप्तिमा भनिएको छ । स्वतन्त्र आन्दोलनमा प्रहरीले अत्यधिक बल प्रयोग गरेको भन्दै एम्नेस्टी इन्टरनेशनले पनि निन्दा गरेको छ । उक्त र्‍यालीपछि अघिल्लो साता अनुसन्धानकर्ताहरुले अयोग्य उमेदवारका घर र पार्टी कार्यालयमा छापा हानेको थियो ।

पछिल्लो प्रदर्शनमा संलग्नता भएको पाइएपछि एलेक्सेइ नाभाल्नीलाई ३० दिनको जेल सजाय गरिएको थियो । शनिबारको बैठकपछि सम्भावित उमेदवारलाई प्रहरीले नियन्त्रणमा लिएको थियो । सन् २०१२ पछिको सबभन्दा उच्च संख्यामा सहभागिता जनाइएको प्रदर्शन भएको बताइएको छ ।