अखबार नेपाल ट्रेन्डिङ

एजेन्सी: अफगान राष्ट्रपतिका सहयोगी अमरुल्लह सालेहको पार्टी कार्यालयमा विस्फोट भएको छ । कार्यालयमा भएको आक्रमणमा परी कम्तीमा २ जना मारिएको तथा अन्य २५ जनाभन्दा धेरै घाइते भएको अफगान अधिकारीले जनाएका छन् ।

सालेहको ‘ग्रीन ट्रेन्ड’ पार्टी कार्यालय नजिकै विस्फोट भएको र विस्फोटपछि केही आक्रमणकारी उक्त कार्यालयमा प्रवेश गरेको अफगान गृहमन्त्रालयले जनाएको छ । सालेह अफगान ग्रीन ट्रेन्ड पार्टीका नेता उनी आगामी सेप्टेम्बर महिनामा हुन लागेको निर्वाचनमा उपराष्ट्रपतिका लागि उम्मेद्वारी दिएका छन् । उनी राजनीतिमा प्रवेश गर्नुअघि अफगानिस्तानको गुप्तचर संस्थाको प्रमुखका रूपमा सेवा गरेको बताइएको छ । आक्रमणबाट सालेह भने सुरक्षित छन् ।