अखबार नेपाल ट्रेन्डिङ

एजेन्सीः अमेरिकाको क्यालिफोर्नियास्थित सान होजे शहरमा भएको एक अन्धाधुन्ध गोली प्रहारमा ९ जनाको मृत्यु भएको छ ।

भ्याली ट्रान्सपोर्टेशन अथोरिटी रेल यार्डमा भएको सो घटनामा अन्धाधुन्ध गोली चलाउने व्यक्ति सोही कार्यालयको कर्मचारी भएको बुझिएको छ ।

५७ बर्षका स्यामुअल केसडी नाम गरेका ती आक्रमणकारी सो कार्यालयका मर्मत सम्भार तर्फका कर्मचारी हुन् ।

अमेरिकी सञ्चारमाध्यमहरुका अनुसार, रेल यार्डमा आएर गोली प्रहार गर्नुअघि उनले आफ्नै घरमा आगो लगाएका थिए ।

आफ्नो घरमा आगो लगाएर गाडी चढी कार्यालय तर्फ हिडेका उनले कार्यालय पुगेपछि अन्धाधुन्ध गोली प्रहार गरेका थिए ।

सो घटनामा परी ज्यान गुमाएकाहरु आक्रमणकारीसंगै कार्यरत रहेका कर्मचारीहरु रहेको अनुमान गरिएको छ तर उनीहरुको विवरण सार्वजानिक भएको छैन ।