अखबार नेपाल ट्रेन्डिङ

काठमाडौं: चर्चित  र्‍यापर आशिष राना अर्थात  ‘लाउरे’ ५० हजार धरौटीमा रिहा भएका छन् ।

कास्की प्रहरी प्रमुख एसपी रमेश थापाको अनुसार जिल्ला अदालत कास्कीले उनलाई ५० हजार धरौटीमा छाड्ने आदेश गरेको हो ।

लाउरे लागू औषधसम्बन्धी मुद्दामा गत १४ पुसमा पक्राउ परिर थुनामा रहँदै आएका थिए ।

उनीसँगै पक्राउ परेका नबिन कुमार गुरुङ, ध्रुवबहादुर थापा र सुस्मिता गुरुङलाई भने न्यायधीस बाबुराम सुवेदीको इजलासले पुर्पक्षका लागि थुनामा राख्न आदेश  दिएको छ ।

लागूऔषध खैरो हेरोइन कारोबार गरेको अभियोगमा प्रहरीले लाउरेसहित ४ जनालाई पोखराको पृथ्वीचोकबाट पक्राउ गरेको थियो ।

लाउरेले पछिल्लो समय रियालिटी सो हिमालयन रोडिजको निर्णायकमा रहेका थिए । त्यही रियालिटी सोका क्रममा नेपालका पूर्वी सहरहरुमा पुगेर उनी पोखरा फर्किएका थिए ।