अखबार नेपाल ट्रेन्डिङ

काठमाडौं: काभ्रेको नमोबुद्ध नगरपालिका मेयरको टिकट सम्बन्धी विवाद हुँदा मेयरका दाबेदार रोशन पाण्डेमाथि आक्रमण भएको छ ।

उनीमाथि कांग्रेसका क्षेत्रीय सभापति तथा मेयरका उम्मेदवार कुन्साङ लामाले आक्रमण गरेका हुन् । आक्रमणबाट पाण्डेको शरीरको विभिन्न ठाउँमा चोट लागेको छ ।

काभ्रे कांग्रेसमा पत्रकार समेत रहेका पाण्डे गणेश लामा पक्षधर हुन भने उनीमाथि कुटपिट गर्ने मेयर उम्मेदवार कुन्साङ लामा तीर्थ लामा पक्षधर हुन् ।

नेपाल पत्रकार महासंघ उपत्यका प्रदेशको सचिब समेत रहेका पाण्डे न्युज अनलाइन सेभेनको संचालक पनि हुन ।

सामाजिक काममा सक्रिय पाण्डे युवाहरु माझ लोकप्रिय नेताको रुपमा परिचित छ ।