अखबार नेपाल ट्रेन्डिङ

काठमाडौं: साताको पहिलो दिन आइतबार नेप्सेमा दोहोरो अंकले घटेको छ ।

नेपाल स्टक एक्सचेन्ज (नेप्से) परिसूचक १८.४९ अंकले घटेर २६१८.६३ विन्दुमा कायम भएको छ ।

यस्तै, ठूला कम्पनीको सेयर कारोबार मापन गर्ने सेन्सेटिभ परिसूचक पनि ओरालो लागेको छ ।

सेन्सेटिभ २.२८ अंकले घटेर ४७०.७७ विन्दुमा कायम भएको छ ।

आज कूल छ अर्ब १४ करोड ८९ लाख ६६ हजार रुपैयाँ बराबरको सेयर कारोबार भएको छ ।

२१९ वटा कम्पनीका एक करोड २७ लाख २८ हजार १२५ कित्ता सेयर ७५ हजार  पटक खरिद-बिक्री भएका थिए ।

आज समता घरेलु लघुवित्त वित्तीय संस्थाका लगानीकर्ताले सबैभन्दा बढी ९.९९ प्रतिशतका दरले कमाएका छन् ।

महिला लघुवित्त वित्तीय संस्थाको कारोबारमा नकारात्मक सर्किट लागेको थियो । उक्त संस्थाका लगानीकर्ताले प्रतिकित्ता १० प्रतिशतका दरले गुमाएका छन् ।

आज एनसीसी बैंक लिमिटेडको सेयर सबैभन्दा धेरै २८ करोड ८६ लाख ५२ हजार रुपैयाँ बराबरको कारोबार भएको छ ।

सङ्ख्यात्मक आधारमा कुमारी बैंक अगाडि रह्यो । बैंकको आठ लाख ७२ हजार कित्ता सेयर किनबेच भएको थियो ।

महिला लघुवित्त वित्तीय संस्थाको सेयर सबैभन्दा बढी ४ हजार ४११ पटक खरिद-बिक्री भएको नेप्सेले जनाएको छ ।

आज सबै समूहको परिसूचक ओरालो लाग्दा जीवन बिमा समूह सबैभन्दा धेरै १४७.६४ अंकले घटेको छ ।

५०० शय्याको युनिफाइड कोभिड–१९ केन्द्रीय अस्पताल निर्माण