अखबार नेपाल ट्रेन्डिङ

काठमाडौं: फागुन २१ गते हुने प्रतिनिधिसभा सदस्यको निर्वाचनको लागि मुख्य राजनितिक दलले घोषणापत्र जारी गर्दै अर्थतन्त्रमा प्राथामिकता दिएको पाईएको छ । सबै राजनीतिक दलहरुले आ-आफ्नो घोषणापत्रमा देशको अर्थतन्त्र पुनरुत्थान, रोजगारी, पर्यटन, उर्जादेखि अर्थतन्त्रको आकार मुख्य महत्वाकांक्षी एजेन्डाको रुपमा प्रस्तुत गरेका छन् ।

नेपाली काँग्रेस, नेपाली कम्युनिस्ट पार्टी (नेकपा), नेकपा (एमाले) र राष्ट्रिय स्वतन्त्र पार्टी (रास्वपा) का घोषणापत्रलाई विश्लेषण गर्दा नेपालको आर्थिक समृद्धिका लागि आत्मनिर्भर अर्थतन्त्रको रोडम्याप देखाएका हुन । दलहरुको घोषणापत्रको देशको ५ वर्षमा नयाँ फड्को मार्ने दाबी समेत गरेका छन् । नेपाली कांग्रेसले आगामी ५ वर्षमा नेपालको अर्थतन्त्रको आकार ११५ खर्ब रुपैयाँ पुर्‍याउने र प्रतिव्यक्ति आम्दानी २५०० अमेरिकी डलर पुर्‍याउने लक्ष्य राखेको छ ।

नेकपा (एमाले) ले ५ वर्षमा अर्थतन्त्र १०० खर्ब र १० वर्षमा २०० खर्ब पुर्‍याउने घोषणा गरेको छ । एमालेले प्रतिव्यक्ति आय ३००० डलर पुर्‍याउनेदेखि १५ वर्षभित्र पूर्वपश्चिम विद्युतीय रेलमार्ग बनाइसक्ने समेत घोषणा गरेको छ । नेपालले आर्थिक बृद्धिदर ७ देखि ९ प्रतिशत पुर्‍याउने उल्लेख गरेको छ ।

यस्तै राष्ट्रिय स्वतन्त्र पार्टी (रास्वपा) ले ५ देखि ७ वर्षभित्र अर्थतन्त्रको आकार १०० अर्ब डलर बनाउने घोषणा गरेको छ भने प्रतिव्यक्ति आय ३००० डलर पुर्‍याउने बाचा गरेको छ । दुई वर्षभित्र राष्ट्रिय गौरवको आयोजना सम्पन्न गर्ने दाबी गरेको छ ।

नेपाली कम्युनिस्ट पार्टीले पनि ५ वर्षमा १० प्रतिशत आर्थिक वृद्धिदर र १५ लाख लाई रोजगारी दिने र स्टार्टअप र आईटी उद्योगलाई पाँच वर्षसम्म कर छुट हुने घोषणापत्रमा उल्लेख गरेको छ ।

नेपाली कांग्रेस

– १ सय १५ खर्ब रुपैयाँ अर्थतन्त्र

– पाँच वर्षमा आर्थिक पुनरुत्थान अर्थदशक घोषणा

– करका दरहरु १० देखि १५ वर्षसम्म स्थिर राख्ने

– न्यूनतम साझा आर्थिक एजेन्डामा राष्ट्रिय सहमति

– वार्षिक १० लाखरुपैयाँसम्मको व्यक्तिगत आयमा आयकर नलाग्ने

– पाँच वर्षभित्र १५ लाख नयाँ रोजगारी

– प्रतिव्यक्ति आयलाई आगामी पाँच वर्षभित्र २,५०० अमेरिकी डलर

– पाँच वर्षमा १४,००० मेगावाट विद्युत उत्पादन

– स्टार्टअप युवा व्यवसायलाई ५ देखि ५० लाख बिना धितो परियोजनाको आधारमा ऋण

– कृषि बिमाको प्रिमियममा ९० प्रतिशतसम्म अनुदान

– नेपाली उत्पादन नेपाली सान अभियान

– भ्याटलाई १३ वाट १० प्रतिशतमा झार्ने

नेकपा (एमाले)

– पाँच वर्षभित्र अर्थतन्त्रको आकार १०० खर्ब

– १० वर्षभित्र २०० खर्ब रुपैयाँ पुर्‍याउने

– पाँच वर्षभित्र प्रतिव्यक्ति आय ३ हजार अमेरिकी डलर

– ७ देखि ९ प्रतिशतसम्म आर्थिक वृद्धिदर

– ५ लाखलाई रोजगारी सृजना

– श्रमिकको न्यूनतम तलव २५ हजार रुपैयाँ सुनिश्चित

– पूर्व–पश्चिम विद्युतीय रेलमार्ग १० वर्षभित्र सम्पन्न गर्ने

– सबै नागरिकको अनिवार्य स्वास्थ्य बीमा र सामाजिक सुरक्षा

– तीन वर्ष निर्यात दोब्बर ५ वर्षमा तेब्बर

– नेपाललाई अर्गानिक हब बनाउने

राष्ट्रिय स्वतन्त्र पार्टी (रास्वपा)

– अर्थतन्त्रको आधार १०० अर्ब डलर

– ‘डिजिटल अर्थतन्त्र’ लाई प्राथमिकता

– स्टार्टअप र प्रविधि क्षेत्रमा केन्द्रित हुने

– पाँच वर्षमा १२  लाख रोजगारी

– १० वर्षमा ३०,००० मेगावाट जलविद्युत उत्पादन

– आर्थिक प्रगतिका बाधक दुई दर्जन ऐन खारेज

– आर्थिक बृद्धिदर ७ प्रतिशत

– प्रतिव्यक्ति आय ३ हजार

– राष्ट्रिय गौरवको आयोजना २ वर्ष भित्र सम्पन्न गर्ने

– १० वर्षमा ३० अर्ब डलरको आईटी निर्यात

नेपाली कम्युनिस्ट पार्टी (नेकपा)

– पाँच वर्षमा आर्थिक वृद्धिदर १० प्रतिशत

– पाँच वर्षमा १५ लाख रोजगारी

– ‘कृषि लगानी दशक’ घोषणा र उत्पादनमा आत्मनिर्भरता

– पाँच वर्षमा कुल क्षमता १५,००० मेगावाट विद्युत उत्पादन

– पाँच वर्ष भित्र ८० प्रतिशत भूभागमा सिचाँइ

– स्टार्टअप र आईटी उद्योगलाई पाँच वर्षसम्म कर छुट