अखबार नेपाल ट्रेन्डिङ

काठमाडौं: नबिल बैंक लिमिटेडको १ लाख ५० हजार कित्ता संस्थापक शेयर सर्वसाधारणले समेत खरीद गर्न सक्ने गरी बिक्रीमा आएको छ ।

बैंकले यस अघि विद्यमान संस्थापक शेयरधनीहरूले मात्र खरीद गर्न पाउने गरी विक्रीमा ल्याएको थियो । विद्यमान संस्थापकबाट खरीद माग नभएपछि अन्य व्यक्ति तथा संस्थाहरूले समेत खरीद गर्न पाउने गरी बैंकले उल्लेखित शेयर विक्रीमा ल्याएको हो ।

बिहीवार सुचना जारी गर्दै बैंकले संस्थापक समूहमै रहने उक्त शेयर खरीदका लागि अन्य व्यक्ति तथा संस्थाहरूले आगामी सातदिनभित्र आवेदन पेश गर्न भनेको हो ।

इच्छुक खरीदकर्ताहरूले बैंकको शेयर रजिष्ट्रार कार्यालय नबिल इन्भेष्टमेण्ड बैंकिङ्ग लिमिटेड, नक्साल, काठमाडौंमा आवेदन पेश गर्नुपर्नेछ ।

नबिल बैंक प्राइभेट सेक्टरको पहिलो वाणिज्य बैंकको रुपमा सञ्चालित छ । पछिल्ला वर्षहरूमा यस बैंकले वाणिज्य बैंकमध्येकै सर्वाधिक लाभांश वितरण गरिरहेको छ ।