ग्लोबल आइएमई बैंक र दुग्ध सहकारीबीच सहुलियत कर्जा दिने सम्झौता
वि.सं.२०७९ भदौ १९ आइतवार १८:००
काठमाडौं: ग्लोबल आइएमई बैंक र भण्डारा दुग्ध उत्पादक सहकारी संस्थाबीच कृषि अनुदान कर्जामा साना किसानको पँहुच बढाउन सम्झौता भएको छ ।
सम्झौतापत्रमा बैंकका तर्फबाट बैंकका नायव प्रमुख कार्यकारी अधिकृत सुरेन्द्रराज रेग्मी तथा भण्डारा सहकारीका अध्यक्ष डिल्लीप्रसाद थपलियाले हस्ताक्षर गरे ।
सम्झौता अनुसार बैंकले भण्डारा लगायत चितवनका विभिन्न स्थानमा उन्नत जातका गाईभैसी पालन गर्ने किसानलाई सहकारीको सिफारिसमा सहुलियतपूर्ण कर्जा दिनेछ ।
सहकारीले बैंकको सिफारिसमा साना किसानलाई आवश्यक तालिम दिनेछ । बैंकले किसानलाई डिजिटल बैंकिङ सेवामा जोड्न वित्तीय साक्षरता सम्वन्धि कार्यक्रम गरेको थियो ।
वि.सं.२०७९ भदौ १९ आइतवार १८:००