अखबार नेपाल ट्रेन्डिङ

काठमाडौं: मुक्तिनाथ कृषि कम्पनी लिमिटेडले चौथो स्थापनाको अवसर पारेर कृषि क्षेत्रमा विशिष्टिकृत वस्तु तथा सेवाहरु उपलब्ध गराउने लक्ष्यसहित एकैपटक ८ सहायक कम्पनी स्थापना गरेको छ ।

मुक्तिनाथ सिड बैंक, फर्टिलाइजर बैक, नर्सरी बैंक, लाइभस्टक बैंक, हर्बल बैंक, फूड बैंक, एग्रो मेसिनरी कम्पनी र ट्रेडिङ गरी ८ सहायक कम्पनीको औपचारिक उद्घाटन गरेको हो ।

देशको कुल ग्राहस्थ उत्पादनमा सबैभन्दा ठूलो हिस्सा ओगटेको कृषि क्षेत्रको समग्र विकासका लागि वित्तीय र गैरवित्तीय सेवाहरु प्रदान गरी कृषि चक्र बनाउने उद्देश्यले कम्पनी खोलिएको जनाइएको छ ।

मुक्तिनाथ विकास बैंकको प्रमुख लगानीमा मुक्तिनाथ कृषि कम्पनीको स्थापना भएको हो ।

बितेका ४ वर्षमा नेपालको कृषि क्षेत्रमा विद्यमान समस्या, भइरहेका प्रयासहरु, व्यवसायिक अवसरहरु र समग्र कृषि क्षेत्रको विकासमा समग्र निजी क्षेत्र र कम्पनीले गर्नुपर्ने लगानीका क्षेत्रहरु पहिचान गर्नका लागि मुख्यतः व्यतीत गरेको र स्पष्ट मार्गचित्र कम्पनीले तयार गरेको छ ।