अखबार नेपाल ट्रेन्डिङ

काठमाडौं: असार महिनाको पहिलो हप्ताको तुलनामा दोस्रो हप्तामा वाणिज्य बैंकहरुको निक्षेप संकलनमा ३४ अर्ब निक्षेप थपिएको छ ।

नेपाल बैंकर्स संघको तथ्यांक अनुसार असार १० गतेसम्म वाणिज्य बैंकहरुमा ४३ खर्ब ९८ अर्ब रुपैयाँ निक्षेप रहेको थियो ।

उक्त निक्षेप असार १७ गतेसम्म आइपुग्दा ३४ अर्बले बढेर ४४ खर्ब ३२ अर्ब रुपैयाँ पुगेको हो ।

यस अवधिमा बैंकहरुले प्रवाह गर्ने कर्जा पनि सामान्य बढेको देखिन्छ । एक हप्ताको अवधिमा वाणिज्य बैंकहरुले दुई अर्ब कर्जा प्रवाह गरेको हुन् ।

संघको तथ्यांक अनुसार असार १० गतेसम्म वाणिज्य बैंकहरुले ४१ खर्ब ८२ अर्ब रुपैयाँ कर्जा प्रवाह गरेका थिए ।

उक्त कर्जा प्रवाह २ अर्बले बढेर असार १७ गतेसम्म आइपुग्दा ४१ खर्ब ८४ अर्ब रुपैयाँ पुगेको संघको तथ्यांकमा उल्लेख छ ।