अखबार नेपाल ट्रेन्डिङ

काठमाडौं: नबिल बैंकले नेपाल बंगलादेश बैंकलाई प्राप्ति गरेपछि प्रमुख कार्यकारी अधिृकत ज्ञानेन्द्र ढुङ्गाना र अन्य चार जना नायव प्रमुख कार्यकारी अधिकृत हुने भएका छन् ।

नेपाल बंगलादेश बैंकका कार्यवाहक सीईओ भुपेन्द्र पाण्डे, नबिल बैंकका सुजितकुमार शाक्य, विनयकुमार रेग्मी र मनोज ज्ञवाली हुनेछन् ।

भुपेन्द्र पाण्डे पूर्वाधार विकास बैंक हुँदै नवील बैंक पुगेका हुन भने सुजितकुमार शाक्य ग्लोबल आइएमइ बैंक हुँदै नबिल बैंक पुगेका हुन ।

त्यस्तै, मनोज ज्ञवाली ज्योति विकास बैंकको प्रमुख कार्यकारी अधिकृत हुँदै नबिल पुगेका हुन भने विनयकुमार रेग्मी भने नविल बैंकमा नै लामो समयदेखि कार्यरत छन् ।

ढुंगानाले असार १७ गतेबाट लागू हुने गरी नबिल बैंकको सीईओको कार्यभार सम्हाल्नेछन् । नेपाल बंगलादेशलाई गाभ्नको लागि नबिलले बुधबार मात्रै नेपाल राष्ट्र बैंकबाट अन्तिम स्वीकृति पाएको छ ।

नेपाल बंगलादेश बैंकका कर्मचारीलाई नबिलमा जाँदा हालको पद सरह नै समायोजन गरिने भएको छ । दुबै बैंकको वित्तीय प्रणाली यहि असार मसान्तदेखि नै एकिकृत रुपमा नबिल बैंकका रुपमा कारोबार हुने छ ।