अखबार नेपाल ट्रेन्डिङ

काठमाडौं: सरकारले आज आगामी आर्थिक वर्षको बजेट प्रस्तुत गर्दैछ । अर्थमन्त्री डा. युवराज खतिवडाले आज अपरान्ह ४ वजे संघिय संसदको संयुक्त सदनमा आगामी वर्षको बजेट प्रस्तुत गर्ने कार्यसुची छ ।

राष्ट्रपति विद्यादेवी भण्डारीबाट प्रस्तुत सरकारका नीति तथा कार्यक्रम, अर्थमन्त्रीबाट प्रस्तुत विनियोजन विधेयक र योजना आयोगले तयार गरेको १५औं योजनालाई आधार बनाएर अर्थमन्त्रालयले आगामी आर्थिक वर्षको वजेट तयार गरेको हो । यस अनुसार आगामी बजेट १६ खर्व रुपैंयाँको हाराहारिमा तयार भएको छ ।

बजेटमा सरकारी कर्मचारीको तलव २० प्रतिशतसम्म वृद्धि, सामाजिक सुरक्षा भत्ता वृद्धि, निर्वाचन क्षेत्र पूर्वाधार विकास कार्यक्रममा रकम वृद्धिजस्ता विषयले महत्व पाएको बुझिएको छ । बजेट वितरणमुखी कार्यकमलाइ यो वर्ष कमै महत्व दिएर पार्टी भित्रैबाट आलोचना खेप्नुभएका अर्थमन्त्री खतिवडाले आगामी बजेटमा विकासका ठूला परियोजना सँगसँगै लोकप्रियताका कार्यक्रमलाइ पनि महत्व दिएको अर्थमन्त्रालय स्रोतले जनाएको छ ।