अखबार नेपाल ट्रेन्डिङ

काठमाडौं: लाइफ इन्स्योरेन्स कर्पोरेशन (नेपाल) लिमिटेडको सञ्चालक समितिले सञ्चालक समितिको अध्यक्षमा एमआर कुमारलाई नियुक्त गरेको छ । कर्पोरेशनको बैठकले जेठ २ गतेबाट लागू हुने गरि बिमकको सञ्चालक समितिको अध्यक्षमा एमआर कुमारलाई नियुक्त गरेको हो ।

नियुक्ति अघि हेमन्त भार्गवले यस बिमकको सञ्चालक समितिको अध्यक्षको जिम्मेवारी सम्हाल्दै आएका थिए । नवनियुक्त अध्यक्ष कुमार एलआईसी अफ इण्डियाको बर्तमान अध्यक्ष हुन् । एलआईसी अफ इण्डियाको अध्यक्ष नै एलआईसी नेपालमा पनि सञ्चालक समितिको अध्यक्ष रहने परिपाटी रहेको छ । एमआर कुमारसँग ३६ बर्षभन्दा बढी लामो जीवन बिमा क्षेत्रको अनुभव छ । उनले एलआईसी अफ इण्डियामा सन् १९८३ मा अधिकृतस्तरबाट सेवा शुरु गरेका थिए ।