अखबार नेपाल ट्रेन्डिङ

काठमाडौं: नेपाल इन्फ्रास्ट्रक्चर बैंकले चालू आर्थिक वर्षको तेस्रो त्रैमाससम्म ५८ करोड ९२ लाख ८९ हजार खुद नाफा गरेको छ ।

यो नाफा गत वर्षको यसै अवधिसम्म ५८ करोड २० लाख ७० हजार थियो । गत वर्षभन्दा यस वर्ष बैंकको नाफा १ दशमलव २४ प्रतिशत बढेको हो ।

बिहीबार सार्वजनिक बैंकको तेस्रो त्रैमाससम्मको वित्तीय विवरण अनुसार वितरणयोग्य नाफा भने ४६ करोड ३२ लाख ५६ हजार रहेको छ ।

गत वर्षभन्दा शून्य दशमलव ६१ प्रतिशत बढी ८३ करोड ५५ लाख ३९ हजार सञ्चालन नाफा गरेको बैंकको कुल सञ्चालन आम्दानी १ दशमलव शून्य ३ प्रतिशत बढी ९३ करोड ७२ लाख १ हजार भएको छ ।

बैंकले सर्वसाधारणमा गत माघ २ देखि ६ गतेसम्म आईपीओ विक्री गरी माघ १६ गते बाँडफाँट गरेको थियो ।

माघ २९ गते बिहीवार धितोपत्र दोस्रो बजारमा २० करोड कित्ता शेयर सूचीकृत गराएको बैंकको फागुन २ गतेदेखि दोस्रो बजारमा शेयर कारोबार सुरु भएको हो ।

संस्थापक तर्फ १२ करोड कित्ता र सर्वसाधारण तर्फ ८ करोड कित्ता गरी बैंकको २० करोड कित्ता शेयर दोस्रो बजारमा सूचीकृत रहेको हो ।

तेस्रो त्रैमाससम्म बैंकको अन्य विभिन्न कोष सहित जगेडा कोष रकम गत वर्षभन्दा ४५ दशमलव ९२ प्रतिशत बढी २ अर्ब १५ करोड ३६ लाख ३७ हजार रहेको छ ।

यस अवधिसम्म बैंकले गत वर्षभन्दा २३ दशमलव ७९ प्रतिशत बढी ३० करोड ९४ लाख ६५ हजार निक्षेप संकलन गरेको छ ।

निषेधाज्ञा उल्लंघन गर्ने १४१७ जना बढी होल्डिङ जोनमा, ३६१ भन्दा बढी सवारी नियन्त्रणमा, ५६ स्थानमा चेकजाँच