ज्योति लाईफ इन्स्योरेन्सको आईपीओ बाँडफाँट
वि.सं.२०७७ चैत १३ शुक्रवार १४:४४
काठमाडौं: कम्पनीको केन्द्रिय कार्यालय ज्ञानेश्वरमा ज्योति लाईफ इन्स्योरेन्सको आईपीओ बाँडफाँट भएको छ ।
आज दिउसो १ बजे भएको बाँडफाँटमा ५ लाख ९४ हजार जनाले १० कित्ताका दरले शेयर हात पारेका छन् ।
बिक्री प्रबन्धकले योग्य आवेदक १७ लाख ९७ हजार ८३५ जना आवेदकमा गोलाप्रथाको माध्यमद्वारा आईपीओ बाँडफाँट गर्दा १२ लाख ३ हजार ८ सय ३५ योग्य आवेदकको हात खाली भएको हो ।
कम्पनीले फागुन २१ गतेदेखि २६ गतेसम्म सर्वसाधारणमा आईपीओ विक्री गरेको थियो ।
कम्पनीले सर्वसाधारणका लागि छुट्याएको कुल ६६ लाख कित्तामध्य ५९ लाख ४० हजार कित्ता मात्र सार्वजनिक निष्कासन मार्फत आईपीओ विक्री गरेको हो ।
कुल कित्तामध्य ५ प्रतिशत कम्पनीको कर्मचारीहरुका लागि र ५ प्रतिशत सामूहिक लगानीकोषको लागि बाँडफाँट पश्चात आम सर्वसाधारणका लागि आईपीओ बाँडफाँट गरिएको हो ।
यस कम्पनीको आईपीओमा १८ लाख ४२ हजार ४८० जनाको आवेदन परेको विक्री प्रबन्धक एनएमबि क्यापिटलको भनाई छ ।
कुल आवेदकमध्य ४४ हजार ६४५ जनाको आवेदन रद्ध भएको समेत क्यापिटलले जानकारी दिएको हो ।
कुल आवेदकमध्य १२ लाख ४८ हजार ४८० जनाले शेयर नपाएका हुन ।
जीवन बीमा कम्पनीहरुले कायम गर्नुपर्ने तोकिएको चुक्तापूँजी २ अर्ब रुपैयाँ कायम गर्न कम्पनीले सर्वसाधारणमा आईपीओ जारी गरेको हो ।
हाल ७० प्रतिशत संस्थापक तर्फबाट चुक्ता भएको पूँजी १ अर्ब ५४ करोड रुपैयाँ रहेको कम्पनीको आईपीओ पश्चात चुक्तापूँजी २ अर्ब २० करोड रुपैयाँ पुगेको छ ।
कम्पनीको अपरिस्कृत वित्तिय विवरण अनुसार गत आर्थिक वर्ष ०७६/७७ सम्म प्रतिशेयर नेटवर्थ १३२ दशमलव ९४ रुपैयाँ र प्रतिशेयर आम्दानी १२ दशमलव ६५ रुपैयाँ रहेको छ ।
यस अवधिसम्म कम्पनीको खुद नाफा २८ करोड ६४ लाख १ हजार रुपैयाँ छ ।
दोस्रो बजारमा पहिलो कारोबारका लागि नेप्सेले प्रतिशेयर नेटवर्थको तीन गुणासम्मको मूल्य तोक्ने हुदाँ यस कम्पनीको पहिलो कारोबारका लागि १३२ दशमलव ९४ रुपैयाँदेखि ३९८ दशमलव ८२ रुपैयाँसम्मको मूल्य रेञ्ज पाउने देखिन्छ ।
ग्लोबल आइएमई बैंकले जारी गर्यो ‘ग्लोबल ईकम डलर कार्ड’, अनलाइनमार्फत व्यवसाय प्रवर्द्धन गर्न सकिने
माछापुच्छ्रे बैंकले २२ जना व्यवसायीलाई क्यूआर कोड हस्तान्तरण
वि.सं.२०७७ चैत १३ शुक्रवार १४:४४