अखबार नेपाल ट्रेन्डिङ

काठमाडौं: सरकारले सुरु गरेको खोलौ बैंक खाता अभियान अन्तर्गत एनएमबि बैंकले सबैंको साहारा बचत खाता सुरु गरेको छ । यस अन्तर्गत खाता खोल्ने ग्राहकले सित्तैमा बैंक खाता खोल्न पाउनुका साथै ग्राहकको खातामा बैंकले नै १ सय रुपियाँ वचत गरिदिने छ ।

यसका साथै खाता खोल्ने ग्राहकले आफ्नो वचतका आधारमा दुर्घटना विमा र प्राणघातक १८ रोगको उपचारका लागि स्वास्थ्य विमा सुविधा प्राप्त गर्नेछन् । यसका अतिरिक्त बैंकले ग्राहकको डिम्याट खाता समेत निसुल्क खोलिने जानकारी दिएको छ । यस खातामा रकम जम्मा गर्ने ग्राहकले ६ दशमलब ५ प्रतिशत व्याज प्राप्त गर्न सक्ने बैंकले जनाएको छ ।