अखबार नेपाल ट्रेन्डिङ

पाल्पा: गाउँ शहरमा रहेका एतिहासिक, धार्मिक र सास्कृतिक महत्वका कला संस्कृतीलाई जगेर्ना गर्ने उद्देश्यले पाल्पाको रिब्दिकोटमा साता व्यापी संस्कृती महोत्सव गरिएको छ । हराउँदै गएका पुराना मौलिक लोक संस्कृतीहरुलाई पुरानो पुस्ताबाट नयाँ पुस्तामा हस्तानतरण गर्न समेत महोत्सव फलदायी बनेको छ ।

स्थानीय फागु नाँच, सराए नाँच, लाखे नाँच, घाटु नाँच, ठुलो नाँच, बालन नाँच, असारे नाँच लगायत अन्य स्थानीय नाँचहरु महोत्सवमा प्रदर्शन गरिएको थियो । परम्परागत गँठे मंगल, गाईजात्रा, ताहामचा, नेवारी तथा मगर नाँच समेत महोत्सवको आकर्षण बनेको थियो । पाल्पा तथा रिव्दीकोट गाउँपालिका भित्र मनाईने कला संस्कृतीलाई जिवन्त राख्न, एक अर्का विच कला संस्कृती आदान प्रदान गर्न र युवाहरुमा कला संस्कृतीप्रति जागरण ल्याउन महोत्सव आयोजना गरिएको हो । महोत्सव चैत्र ७ गते फागु पुर्णिमाका दिनबाट शुरु थियो ।